½ kg hveiti
2 tsk lyftiduft
1 ¼ tsk hjartarsalt
½ - tsk kardimommur
75 g smjörlíki
125 sykur
1 egg
2 dl mjólk (súr)

Hveitinu sáldrað með lyftiefnunum og kardimommum. Smjörlíkið mulið, sykurinn látinn saman við, vætt með eggi og mjólk. Hnoðað. Skipt í þrennt, flatt út fremur þykkt. Skorið í 4 sm breiðar lengjur og á ská í 7 sm langa bita. Á miðju hvers bita er gerð rifa og kleinunni snúið við. Raðað á bakka. Fitan er heit þegar sýður í kring um eldspítu. Steiktar móbrúnar á báðum hliðum. Færðar upp á pappír, sem sýgur í sig fitu. Látnar kólna og geymdar í lokuðu íláti.
Ath. Súrmjólk er ágæt í kleinur.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.