125 g nautakjöt
125 g svínakjöt eða
250 g kindakjöt
1 tsk saxaður laukur
1 tsk salt
3 msk heilhveiti
1 egg
1 1/2 - 2 dl mjólk
1/8 tsk pipar
Hvítkál

Sósa:
30 g smjörlíki
3 msk hveiti
3 1/2 - 4 dl böglasoð
Söxuð steinselja

Kjötið er hreinsað og saxað 3-5 sinnum með lauknum og saltinu. Hrært þar til það verður seigt. Heilhveiti og pipar hrært saman við, eggið hrært þar í smátt og smátt. Þar á eftir mjólkin, sem er heit, 1 matskeið í einu. Bíði um stund.
Hvítkálið er tekið blað fyrir blað frá leggnum, svo heillegt sem hægt er. Heitu vatni hellt á það, og suðan látin koma upp. Vatninu hellt af því. Kjötdeigið er hært aftur og mjólk sett í, ef þörf er. Pottur eða djúp panna er smurður með smjöri. Efst við legginn á hverju blaði er set ein matskeið af kjötdeiginu, blaðinu vafið vel utan um og bögglunum raðað hverjum við hliðina á öðrum niður í pottinn. Hvítkálssoðinu hellt á. Soðið við hægan eld í 20-30 mínútur. Óþarft er að soðið fljóti yfir bögglana. Soðið er jafnað með smjörbollu. Bögglunum raðað á fat og lítilli sósu hellt yfir, steinselju stráð á, en það, sem eftir er, er borið fram í sósuskál. Í staðinn fyrir sósu má borða brætt eða hrært smjör. Soðnar kartöflur borðaðar með.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.