60 g fjallagrös
1 l vatn
1 l mjólk
Salt

Grösin eru hreinsuð vel úr köldu og heitu vatni og síðan söxuð. Þegar mjólk og vatn sýður, eru grösin látin í og soðin við hægan hita í 2 klst. Síðan er saltað. Þennan graut er nauðsynlegt að sjóða svo lengi, því að hann þykknar eingöngu af grösunum. Grauturinn er borðaður heitur eða kaldur með mjólk út á. Einnig er hann ágætur saman við skyr í staðinn fyrir hafragraut, en ljúffengara er, að skyrið sé súrt.

Matur og drykkur, Helga Sigurðardóttir, Reykjavík 1991
Bókina er væntanlega hægt að nálgast í verslunum Máls og Menningar.