1 stk hangikjöt, af læri eða frampart

Hangikjötið er sett í stóran pott og köldu vatni hellt yfir uns það helur kjötið. Suðan látin koma rólega upp og svo slökkt á hellunni þegar suðan kemur upp. Passaðu upp á að ekki bullsjóði í pottinum. Kjötið látið kólna í pottinum undir loki.

Uppstúfur
50 g smörlíki
50 g hveiti
1 l mjólk
1/2 tsk salt
1-3 msk sykur
ögn hvítur pipar

Smjörlíkið er brætt í potti, hveitinu hrært saman við svo að úr verði smjörbolla. Bætið mjólkinni varlega í og hrærið uns kekkjalaust. Látið sjóða í nokkrar mínútur og hrærið vel í á meðan. Kryddið með salti, sykri og pipar.

Hangikjötið er borið fram með uppstúfinum, soðnum kartöflum, grænum baunum og laufabrauði.